Nëse keni plan të hapni një biznes të vogël është e rëndësishme të dini se cilat janë disa hapa për nisjen e tij, me qëllim që përpjekjet tuaja të kenë rezultat.

Konkretisht, më poshtë janë renditur 5 hapa për nisjen e tij:

1.Koha

Të kesh kohë të mjaftueshme?! Është një nga “blloqet” më të mëdha penguese për shumë njerëz që duan të fillojnë biznesin e tyre. Një nga aftësitë më të rëndësishme që ju duhet për të balancuar një ditë pune në drejtimin e një biznesi të vogël është menaxhimi i kohës.

2. Paraja

Nisja e një biznesi kërkon të kesh të holla (ose kredit). Blerja e një biznesi ekzistues shpesh kërkon një pagesë me shuma të mëdha. Për fat të keq, shumë njerëz duan të fillojnë një biznes pikërisht sepse ata nuk kanë para, dhe kjo është ajo e cila mund t’i çojë sipërmarrësit e papërgatitur ta mbysin veten me borxhe.

3. Durimi

Mos prisni që fitimi t’ju kthehet menjëherë. Shumë njerëz dekurajohen kur përfundojnë çdo ditë e me më pak para se sa ata filluan, edhe në qoftë se kanë bërë shitje. Kjo është normale për sa i përket biznesit, shkruan Moneycrashers.

4. Hulumtimi

Një ide nuk ka nevojë të jetë unike për të qenë fitimprurëse, për sa kohë që ka kërkesë të mjaftueshme për produktin tuaj. Në fakt, një ide unike jo domosdoshmërish do të përkthehej në shitje të mëdha. Ka shpesh një arsye pse askush nuk shet një produkt si juaji, dhe arsyeja mund të jetë që askush nuk e dëshiron një të tillë.

5. Plan biznesi

Krijimi i një plani themelor biznesi mund të jetë i lodhshëm, por është shumë i rëndësishëm, veçanërisht në qoftë se ju jeni duke kërkuar mbështetje financiare nga investitorët apo një bankë.
Është gjithashtu një provë e madhe lakmuese për të parë nëse ju jeni vërtetë të interesuar në drejtimin e një biznesi.

Nëse nuk ju nuk mund të gjeni kohë të shkruani një plan themelor biznesi, ju ndoshta nuk jeni të përgatitur për të marrë përsipër drejtimin e një biznesi të vërtetë.