Ofertat Fillestare të Monedhave (ICO) janë bërë një trend i nxehtë në ekosistemin e kriptovalutave dhe këto u shfaqen në dy vitet e fundit dhe mashtrimet nuk kanë munguar.

Shumica e tregjeve botërore financiare rregullohen rreptësisht duke mos lënë hapësirë për mashtrime, prandaj mashtruesit janë kthyer drejt inovacionit të kriptovalutave i cili nuk është i rregulluar ende.

Anadaj, një mashtrues i kriptovalutave synon të nxisë investitorët të blejnë monedha false përmes parave tradicionale apo kriptovalutave të tjera.

PlexCoin

PlexCoin ndaloi aktivitetin në muajin dhjetor të 2017-së nën presionin e Komisionit Amerikan për Bursat dhe Letrat me Vlerë (SEC) si rezultat i një padie në drejtim të themeluesi Dominic Lacroix i cili ka mashtruar shumë investitorë amerikanë dhe kanadezë.

Në padi thuhej se ai kishte premtuar fitime astronomike prej 1,354 për qind dhe përdorur një grup ekspertësh për t’i siguruar legjitimitet projektit dhe fshehur krimet financiare.

SEC ka ngrirë 15 milion dollarë e grumbulluara nga ICO. Lacroix përfundoi në burg dhe PlexCoin u gjobit me 100 mijë dollarë.

Benebit

Benebit pretendonte se përdor sistemin Blockchain për të unifikuar programet e besnikërisë së konsumatorëve.

Kjo ICO në pamje të palë dukej se nuk kishte asnjë problem legjitimiteti dhe kanali në Telegram kishte 9,000 anëtarë dhe buxhet marketingu prej 500 mijë dollarësh.

Me një ‘letër të bardhë’ serioze dhe mijëra dollarë të mirë shpenzuar në marketing, ekipi i Benebit arriti të joshë investitorët.

Përllogaritjet ndryshojnë por thuhet se ato kanë vjedhur të paktën 2.7 milionë dollarë.

Opair

Një komunitet i motivuar investitorësh të cilët hodhën para në Opair dhe Ebitz ende edhe sot përpiqen të identifikojnë zhvilluesin i cili njihet ndryshe vetëm si Wasserman dhe është truri i ICO-së që vodhi 388 Bitcoin.

Opair promovonte një sistem kartash debiti të decentralizuara duke përdorur monedhën e saj XPO.

Përdoruesit zbuluan se profilet LinkedIn të ekipi të Opair ishin të rreme, por jo përpara se të vidhnin 190 Bitcoin në vitin 2016.

OneCoin

OneCoin ka qenë vazhdimisht subjekt hetimesh në 18 muajt e fundit. Zyrtarisht e shpallur si skemë ponzi në Indi në vitin 2017, ku kompania u gjobit nga autoritetet Italiane me 2.5 milionë euro.

CoinTelegraph kishte paralajmëruar investitorët të qëndrojnë larg kësaj skeme. Madje nuk kishte një regjistër publik dhe zyrat qendrore në Bullgari u bastisën në Janar ku u konfiskuan disa serverë.

Gjatë vitit 2016, u konfiskuan plotë 30 milionë dollarë.

Bitconnect

E akuzuar prej kohësh si skemë ponzi, Bitconnect vijoi operacionet deri në muajin janar 2018 kur ngjalli kureshtjen e autoriteteve amerikane.

Përdoruesit këmbenin Bbitcoin për Bitconnect Coin në platformë dhe atyre u premtoheshin fitime astronomike.

Kompania madje kishte një program kredie ku përdoruesit mund të merrnin kredi.

Thuhet se përdoruesit kanë humbur 700 mijë dollarë nga kjo platformë.