Stafi mbështetës i Prokurorisë Speciale ka pezulluar përkohësisht grevën e përgjithshme, pas takimit që grevistët kanë pasur me kryeprokurorin e Prokurorisë speciale, zëvendësprokurorin si dhe drejtorin e Sekretariatit të këshillit Prokurorial të Kosovës, të cilët kanë premtuar se do të bëjnë çmos për realizimin e kërkesave të tyre.

“Ju njoftojmë se pas takimit që kemi pasur me Drejtorin e Sekretariatit të Këshillit Prokurorial të Kosovës, Lavdim Krasniqi dhe zv/kryeprokurorin e PSRK-së, Haki Gecaj, Këshilli grevist i stafit mbështetës të Prokurorisë Speciale të Republikës së Kosovës, ka marrë vendim për pezullimin e grevës në një afat të pacaktuar”, thuhet në njoftim.

Kërkesat e grevistëve janë kthimi i shtesës në mënyrë retroaktive nga 1 janari i këtij viti, garantimi i kësaj shtese si shtesë e përhershme duke rregulluar një herë e përgjithmonë këtë çështje, pa marrë parasysh ngritjen apo mos ngritjen e pagave të prokurorëve