Prokuroria Themelore e Mitrovicës ka bërë të ditur se polici me inicialet B.T, i moshës 44-vjeçare derisa ka qenë në gjuajte në kuadër të një trajnimi të rregullt, aksidentalisht i është shkrepur arma zyrtare.

Përmes një komunikate bëhet e ditur se trupi i pajetë i të ndjerit me urdhër të prokurorit është dërguar për autopsi në Institutin e Mjekësisë Ligjore në Prishtinë.

“Në vendin e ngjarjes deklarohet se ka dalë prokurori kujdestar i DKR të PTH Mitrovicë, dhe sipas informacioneve të para rasti ka ndodhur aksidentalisht”, thuhet në komunikatën e Prokurorisë.

Komunikata e plotë:

– Prokuroria Themelore e Mitrovicës njofton opinionin se sot rreth orës 10.30 në poligonin e gjuajtjes të policisë në fshatin Cërrnushë të Mitrovicës, një polic me iniciale B.T 44 vjeç., deri sa ka qenë në gjuajtje në kuadër të një trajnimi të rregullt, aksidentalisht i është shkrepur arma zyrtare dhe për pasojë është plagosur dhe është transportuar menjëherë në Spitalin Rajonal në Mitrovicë ku personeli mjekësor ka konstatuar vdekjen e tij.

Në vendin e ngjarjes ka dalur prokurori kujdestar I DKR të PTH Mitrovicë, dhe sipas informacioneve të para rasti ka ndodhur aksidentalisht.

Trupi i pajetë i të ndjerit me urdhër të prokurorit është dërguar për autopsi në Institutin e Mjekësisë Ligjore në Prishtinë.