Këshilltarët shëndetësorë në Shtetet e Bashkuara të Amerikës kanë miratuar doza të vogla të vaksinës së Pfizer ndaj COVID-19 për fëmijët e vegjël.

Votimi të martën nga paneli i Administratës së Ushqimit dhe Barnave e çon vendin më pranë vaksinimit të fëmijëve të moshës nga pesë deri në 11 vjeç, shkruan AP.

Nëse rregullatorët bien dakord, dhënia e vaksinës mund të fillojë që nga fundi i javës së ardhshme.

Fëmijët e vegjël do të marrin vetëm një të tretën e dozës së dhënë për adoleshentët dhe të rriturit.