Në rrugën “Xhavit Ahmeti” në Prishtinë, dje rreth orës 00:25, njësiti policor ka ndaluar një veturë të cilën e drejtonte i dyshuari mashkull, shqiptar i Kosovës, dhe pasagjere ishte e dyshuara femër, gjithashtu shqiptare e Kosovës.

“Gjatë kontrollit tek i dyshuari janë gjetur 4 cigare të mbushura me substancë narkotike të llojit Marihuanë, ndërsa te pasagjerja janë gjetur edhe 4 qese të vogla me Marihuanë”, njofton Policia e Kosovës.

Substanca e dyshuar është konfiskuar, ndërsa me urdhër të prokurorit rasti vazhdon në procedurë të rregullt.