Policia e Kosovës ka arritur ta identifikojë personin i cili sot është gjetur i vdekur në Liqenin e Radoniqit.

Zëdhënësi i Policisë së Kosovës për Rajonin e Gjakovës, Nusret Gjurkaj ka thënë për Express se Policia e ka identifikuar viktimën.

“Është identifikuar personi i cili është gjetur i vdekur sot në Liqenin e Radoniqit. Ai është M.P i lindur në vitin 1953”, ka thënë Gjurkaj.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.