Premier League pritet të vazhdojë më 8 qershor

Prishtinë | 25 Pri 2020 | 14:58 | Nga Ekonomia Online

Premier League e Anglisë synon të vazhdojë edicionin më 8 qershor, pa praninë e shikuesve në stadiume. Sipas The Times, edicioni në kampionatin anglez mund të përfundojë më 27 korrik.

Sipas kësaj gazete, drejtuesit e futbollit së bashku me organet tjera të sportit kanë zhvilluar biseda me qeverinë britanike për atë se kur mund të vazhdohet gara.

Në Premier League duhet të zhvillohen edhe 92 ndeshje. Edicioni është pezulluar më 13 mars, ndërsa Liverpooli është fare pranë titullit të kampionit.

Ndeshjet do të luhen pa praninë e shikuesve, me maksimalisht 400 persona në stadium, duke përfshirë mediat. Parashikohen testime të rregullta për koronavirus e po ashtu shtim të hapësirave të zhveshjes, me synim për të mbajtur distancën.

Një ide tjetër është që më 22 gusht të fillojë edicioni i ardhshëm.

Fjalë Kryesore:

Të ngjashme