Presidenti i Polonisë, Andrzej Duda, në Samitin e Brdo-Brijunit në Tiranë, tha se vendet e Europës Juglindore duhet të bëhen pjesë e Bashkimit Europian.

Ai tha se këto diskutime janë të rëndësishme për shtetet e Ballkanit, të cilët kanë një histori të vështirë.

“Këto diskutime janë elemente mjaft të rëndësishme për procesin e stabilizimit. Këto do të çojnë në zhdukjen e dallimeve që akoma janë të dukshme. Nuk dua të përdorë fjalën ‘mosmarrëveshje’, mirëpo historia e këtyre kombeve është mjaft e vështirë”.

“Në vendim tim dhe vendet fqinje këto dukuri kanë ndodhur gjatë Luftës së Dytë Botërore dhe sot herë pas here mund të dëgjojmë rrëfimet e atyre ngjarjeve që kane dhimbje dhe keqardhje. Kjo është pjesë e historisë, por nuk përbën problem, të gjitha këto duhet të qartësohen”.

“Këto çështje duhet të zgjidhen përmes dialogut mes liderëve dhe kombeve. Mirëpo, mbi të gjitha këto kanë qëllim rritjen e standardit të jetës. Kjo është një detyrë e madhe e Brukselit dhe e BE-së e që ta kuptojnë dhe ta mbështesin”.

Duda tha se BE-ja është krijuar me qëllimin e rritjes së standardit për qytetarët dhe po këtë qëllim kanë edhe vendet e Ballkanit.

“Rritja e standardit të jetës ishte qëllimi i Bashkimit Europian. Ne jemi të aftë të konkurojmë edhe me ekonominë në Europë që të jetojmë një të ardhme me prosperitet. Ky qështë qëllimi i themeluesve të BE-së”.

“Fjalët që sapo i thashë janë ato të duhura dhe janë përsëritje e atyre që ka thënë edhe Shën Pali II. Ai ka thënë se Polonia ka nevojë për Europën dhe Europa për Poloninë”.

“Unë them se Europa Juglindore ka nevojë për Europën dhe Europa për Europën Juglindore”.

Presidenti polak kërkoi nga Bashkimi Europian që të mbajë dyert e hapura për vendet e Ballkanit që dëshirojnë të jenë pjesë e tij.

“Këto vende duhet do të bëhen pjesë e BE-së në të ardhmen dhe BE duhet t’i mbajë dyert e hapura për anëtarësim. Ata duhet të gjejnë instrumente dhe zgjidhje për të jetuar në paqe”.