Prishtinë – Qiraxhinjtë nga Anglia e Jordania e rrahin pronarin e shtëpisë

Policia ka arrestuar tre të dyshuar meshkuj, një anglez dhe dy jordanezë, në rrugën “Mustafë Kruja” në Prishtinë, pasi që të njëjtit kishin sulmuar fizikisht pronarin e shtëpisë në të cilën jetonin.

Pas një mosmarrëveshje, tre personat që po banonin me qira kishin sulmuar pronarin e shtëpisë.

Në raportin e policisë thuhet se viktima kishte pranuar trajtim mjekësor si pasojë e shqetësimit, ndërsa të dyshuarit pas intervistimit me vendim të prokurorit, njëri prej tyre është dërguar në mbajtje, ndërsa dy të tjerët janë liruar në procedurë të rregullt.