Një rast i dhunës në familje është raportuar në fshatin Shkozë të Prizrenit, ku një burrë dyshohet se ka sulmuar bashkëshorten e tij.

48-vjeçarja ka kërkuar ndihmë mjekësore si pasojë e lëndimeve të marra, ndërkohë që ka denoncuar rastin edhe në Polici.
Bazuar në dëshminë e saj, i shoqi e ka sulmuar fizikisht dhe më pas është larguar nga shtëpia. I njëjti është kthyer në shtëpi një ditë më vonë dhe sërish ka pasur sjellje agresive ndaj saj, sipas sinjalit.

Njësitë policore kanë arritur që të arrestojnë të dyshuarin, i cili më pas është shoqëruar në stacion policor për intervistim.

Me urdhër të prokurorit, 59-vjeçari është ndaluar për 48 orë dhe i njëjti do të hetohet nën dyshimet për kryerjen e veprës penale ‘Dhunë në familje’.