Sipas punëtorëve dhe ekspertëve, ka dy arsye kryesore që punonjësit qëndrojnë në kompani për gjithë jetën. Së pari, disa kompani të mëdha janë krijuar për të zhvilluar, promovuar dhe mbajtur punëtorët, që do të thotë se punonjësit ambiciozë mund të arrijnë majat e karrierës së tyre pa ndryshuar ndonjëherë vendin e punës. Në raste të tjera, punonjësit mund t’i japin përparësi komoditetit dhe stabilitetit financiar, ta shohin karrierën e tyre si një mjet për të arritur një qëllim dhe të zënë vendin e tyre deri sa të dalin në pension

Duke u ngritur në gradë

“Nevoja për të përparuar në jetë dhe për të arritur është e lindur,” Një kompani e vetme mund ta përmbushë këtë dëshirë dhe të plotësojë nevojat e punëtorëve ambiciozë, duke ofruar një rrugë të mirëpërcaktuar karriere dhe një ndjenjë përparimi.

Komoditet dhe siguri

Jo çdo punëtor që qëndron te punëdhënësi i tij për dekada do të ngjitet domosdoshmërisht në majë të shkallëve të karrierës .Disa punonjës mund të jenë të kënaqur me një renditje të qëndrueshme, të nivelit të mesëm deri sa presin të dalin në pension.

Pse të qëndrosh?

Ambicia nuk është universale. Nëse një organizatë mund ta mbajë një punëtor të zënë, relativisht të lumtur, të angazhuar dhe të paguar mirë, disa njerëz do të qëndrojnë. Marrëdhëniet dhe besnikëria janë gjithashtu faktorë vendimtarë në një punonjës që zgjedh të qëndrojë në një kompani për një periudhë afatgjate.

Sot, pritshmëria është që asnjë punë nuk është për jetë, punëtorët ndihen gjithnjë e më shumë të detyruar të ndryshojnë vendet e punës për t’u dukur dinamikë. Megjithatë, edhe pse pritshmëritë rreth mandatit të punonjësve dhe mendësia e kërkimit të punës ndryshojnë, një nëngrup i fuqisë punëtore do të vazhdojë të zgjedhë të kalojë dekada në të njëjtën organizatë.