Por, ajri në Prishtinë, sipas një eksperti metereologjik, po ndotet për shkaqe tjera.

‘Faktori më kryesor është moti. Sipas metereologjisë janë dy faktorë që e shkaktojnë erën; ndryshimi i temperaturës dhe shtypjes së një vendi’, tha Tahirsylaj për Klan Kosovën.

Situata nuk do të ishte kështu nëse siç thotë Tahirsylaj shteti do të vepronte seriozisht.

‘Nuk është respektuar ligji i mjedisit, ligji i ajrit, ligjet për ujërat…’, shton ai.

Në komunë thonë se morën mësim nga më herët në lidhje me ndotjen.

Vendosja e një peme ekologjike në sheshin ‘Zahir Pajaziti’ po konsiderohet si hapi i parë që do të pasohet me hapa tjerë.

Plan ambicioz për pastrim të ajrit po konsiderohet edhe ngrohja e prishtinasve me avull.

Në Institutin Kombëtar të Shëndetit Publik thanë se qytetarët duhet të mbrohen edhe vetë nga ndotja.

Një raport i mëhershëm i Bankës Botërore ka gjetur se në Kosovë çdo dhjetor vdes një qytetar si pasojë e ajrit të ndotur.