Presidenti rus Vladimir Putin i ka bërë thirrje komunitetit ndërkombëtar që të normalizojë marrëdhëniet me vendin e tij, ndërsa pretendon se mund të përfitojë nga sanksionet.

“Ne nuk kemi qëllime të këqija, nuk ka nevojë të përshkallëzojmë situatën, të vendosim kufizime, ne i përmbushim të gjitha detyrimet”, tha Putin.

“Nëse dikush nuk dëshiron të bashkëpunojë me ne në kuadër të bashkëpunimit të vetëm dhe duke e bërë këtë dëmton veten e tyre, sigurisht që do të na dëmtojë edhe neve”, shtoi Putin.

Putin vazhdoi duke thënë se ekonomia ruse do të ishte përshtatur me situatën aktuale, shkruan CNN.

“Do të na duhet vetëm t’i zhvendosim disa projekte pak djathtas, për të marrë kompetenca shtesë. Por ne ende do t’i zgjidhim problemet me të cilat përballemi”, tha ai.

“Në fund do të përfitojmë edhe nga kjo sepse do të fitojmë kompetenca shtesë”.

Vendet në mbarë botën kanë vendosur sanksione kundër Rusisë në një përpjekje për të shtypur Putinin ndërsa pushtimi i Ukrainës përparon.