Kabineti qeveritar ka aprovuar kërkesën përndarjen e mjeteve financiare për përfaqësim të Kosovës pranë Qendrës Ndërkombëtare për Zgjidhjen e Kontesteve, në çështjen e ngritur nga ACT AXos Capital, për procesin e dështuar të privatizimit të Postës dhe Telekomit të Kosovës.

Kryeministri Isa Mustafa tha në mbledhjen e Qeverisë se fjala është për ndarjen e 350 mijë dollarëve, por ende nuk dihet se sa do të kushtojë i gjithë procesi.

Ndërsa, ministri i Zhvillimit Ekonomik, Blerand Stavileci, tha se janë në presion kohor, pasi përzgjedhja e kompanisë përfaqësuese kërkon që financat për këtë proces të definohen.