Vendimi i Kuvendit të Kosovës për “Trepçën” ka nxitur reagime të mëdha kundërshtuese në Serbi.

Zyrtarë nga Beogradi kanë paralajmëruar thirrjen e një seance urgjente në Këshillin e Sigurimit të Kombeve të Bashkuara, si dhe negociata në Bruksel për “Trepçën”, shkruan sot Koha Ditore.

Ka reaguar edhe menaxhmenti i “Trepçës” në anën veriore, si dhe përfaqësues të komunave serbe, që e kanë shpallur të pavlefshëm vendimin e Kuvendit.

Ndërkaq, deputetët serbë kanë vendosur ta pezullojnë pjesëmarrjen e tyre në Kuvendin e Kosovës. Të njëjtën masë e kanë paralajmëruar se po e marrin edhe ministrat serbë në Qeverinë Mustafa.

Por, ministrja për dialog, Edita Tahiri, ka përjashtuar çfarëdo mundësie që “Trepça” të diskutohet në Bruksel, ashtu siç ka kërkuar pala serbe.