Zv. ministri i ministrisë së Mbrojtjes, Burim Ramadani, ka përkujtuar 70-vjetorin e themelimit të NATO-s.

Ai tha se Kosova dhe populli i saj e kujtojnë përjetë ndihmën vendimtare që NATO i dha përfundimit të tmerreve të luftës, në vitin 1999.

Ramadani tha se Kosova dhe populli i saj e nderojnë dhe respektojnë NATO-n për rolin përcaktues që edhe më tutje ka në ambientin e sigurt dhe të qetë në Kosovë dhe rajon.

Ai tha se Kosova dhe populli i saj i takojnë botës së NATO-s

Postimi i plotë i Ramadanit:

70 vjet, NATO shpresa e paqes!

Kosova dhe populli i saj i takojnë botës së NATO-s.

Më 4 prill 1949 në Ëashington D.C, pra para 70 vjetësh, është themeluar NATO-ja.

Asaj i kishte paraprirë Traktati i Brukselit, i themeluar në vitin 1948 midis shteteve të Evropës Perëndimore, porse si e tillë ishte e pamjaftueshme pa SHBA-në në ballafaqimin me BRSS-në e atëhershme.

Për 70 vjet, NATO arriti të kthehet në vazhdimësi në shpresën për paqe. Në shpresën për Mbrojtjen Kolektive të shteteve demokratike dhe për largimin e rrezikut të përsëritjes së Luftërave Botërore.

Në rajonin tonë, Ballkanin Perëndimor, NATO-ja tashmë është adresa kryesore për paqe.

Kosova dhe populli i saj e kujtojnë përjetë ndihmën vendimtare që NATO i dha përfundimit të tmerreve të luftës, në vitin 1999.

Kosova dhe populli i saj e nderojnë dhe respektojnë NATO-n për rolin përcaktues që edhe më tutje ka në ambientin e sigurt dhe të qetë në Kosovë dhe rajon.

Kosova dhe populli i saj i takojnë botës së NATO-s.