Njohësi i çështjeve të sigurisë Burim Ramadani thotë se vendimi për Ramush Haradinajn, i cili do të merret sot në Francë ka një rol të veçantë.

Sipas Ramadanit ky vendim që do jepet mund të jetë përcaktues për Kosovën.

Përmes një statusi në rrjetin social Facebook, Ramadani është shprehur dhe optimist pasi ka thënë se Haradinaj do të triumfojë ndaj makinerisë së shpifjeve dhe urrejtjes por që sipas tij vendimmarrësit në Kosovë mund të vijnë në momentin kur duhet të zgjedhin ”Ramushin apo Serbinë”.

Postimi i plotë i Burim Ramadanit:

”Vendimi i sotëm në Francë mund të jetë përcaktues mbi Kosovën!

Ramushi do të triumfojë pa dilemë ndaj kësaj makinerie të shpifjeve dhe urrejtjes.

Por, shteti i Kosovës duhet të kuptojë rolin dhe të vërtetën e vet!

Vendimi i sotëm mund të kthehet në vendim mbi Kosovën, mbi qëndrueshmërinë e Kosovës dhe të ardhmen.

Vendimarrësit në Kosovë mund të vijnë në momentin kur do të duhet të zgjedhin” mes Ramushit dhe Serbisë!”.