Tenori i njohur shqiptar, Ramë Lahaj, së fundmi ka lansuar këngën e tij më të re.

Një gjë të tillë e ka bërë të ditur përmes rrjetit social Facebook, ku edhe ka ndarë një mesazh mjaft të fuqishëm kushtuar rinisë që po largohen nga vendi i tyre.

“Kthehu Rini” titullohet projekti i radhës, me kompozitor Naim Krasniqin dhe ri-orkestrim nga Florent Boshnjaku.

“Meqë më keni kërkuar pafundësisht të këndoj në shqip, ja ku e keni këngën me të cilën jam rrit t’u e pa në sytë e nënës e t’u e ndje thellë në zemrën e saj se si e plakte para kohe mungesa e gjysmës së shpirtit të saj, të cilët jetonin në mërgatë”.

“Një herë, na vrau regjimi, pastaj mërgimi, e sot po na mbytë politika e keqe për të cilën jemi vet fajtorë për përzgjedhjet që bëjmë. Politikën e keqe nuk duhet kurrë ta marrim si pretekst për të imigruar.

“Për gjakun e dëshmorëve, për rrenën që na e bëjnë sot, duke na thënë: ‘BAC U KRY!’. Jo! S’është kry BAC! Po t’rrejnë ty e neve. E kemi për detyrë dhe obligim edhe për gjeneratat që vijnë të kontribuojmë për një Kosovë që duam të gjithë. Andaj mos ik!”, ka shkruar ai.

Ai gjithashtu bërë thirrje që t’i bashkojmë forcat, dhe të mos merremi me politikanë që janë bërë milionerë, e që janë një popull në skamje.