Sergio Ramos dhe Real Madridi po vazhdojnë bisedimet për vazhdimin e kontratës.

Kapiteni i madrilenëve së fundi ka refuzuar ofertën e klubit spanjoll. “Mbretërit” i kanë ofruar mbrojtësit kontratë njëvjeçare, që nuk është pranuar nga lojtari.

Ramos ka kërkuar kontratë dyvjeçare për të vazhduar qëndrimin në Madrid.

Mbrojtësi spanjoll është në vitin e fundit të kontratës dhe gjatë verës do të jetë futbollist i lirë.

Ramos aktualisht është lojtari më i paguar te Real Madridi. 34-vjeçari është pjesë e klubit madrilen që nga viti 2005 kur ishte transferuar nga Sevilla.