Në Pallatin e Kongreseve, të dielën, u mbajt nata finale e “Festivalit të Këngës”, ku në një garë të ngushtë tirumfuese doli Arilena Ara me këngën ‘Shaj’ duke lënë pas njërën nga favoritet e këtij festivali Elvana Gjatën.

Sot, pas publikimit të listës së votimeve, pikët që juria shqiptare Rita Petro dhe Mikale Minga i kishin dhënë këngëtares Elvana Gjata nxitën debate në media dhe publik, dyshja kishin vlerësuar me pikë minimale këngën më të dëgjuar të këtij festivali.

Pas një dite me polemika të shumta, ka reaguar së fundmi edhe vet këngëtarja e cila me një shpirt artisteje i uron suksese Arilenës në ‘Eurovizion’ dhe i tregon se nuk e mban atë fajtore për gjithë këtë rrëmujë.