Barcelona është pajtuar me një marrëveshje për shitjen e Vitor Roques në Brazil, vetëm pas një viti të ardhjes së tij në Spanjë, por ka mbetur vetëm një gjë që mundon para se të finalizohet e tërë marrëveshja – drita e gjelbër nga Real Betisi.

Real Betisi e ka në huazim 19-vjeçarin deri në fund të sezonit dhe e kanë mundësinë e blerjes së tij dhe po ashtu vazhdimin e huazimit.

Palmerias do të paguajë 25 milionë euro për shërbimet e tij dhe pesë të tjera në bonuse, derisa Barcelona do të mbajë 20% të shitjes së tij në të ardhmen.

Pasi La Liga fillimisht e ndaloi këtë marrëveshje, ishte Barcelona që mori dritën e gjelbër nga FIFA për shitjen e brazilianit.

Megjithatë, Barcelonës i duhet që të merret vesh me Betisin për ta ndërprerë huazimin para kohe, në mënyrë që marrëveshja të kryhet.

Barcelona ia ofroi Betisit edhe 30% shtesë për lojtarin Ez Abde, me klubin nga Sevilla që ka vetëm 50% të kartonit të tij.

Por, sipas “Mundo Deportivos”, Betisi dëshiron lojarin që Barcelona nuk po e përdorë shumë këtë sezon, Pau Victorin.

Kur qarkulluan lajmet se Victor nuk mund të regjistrohet nga Barcelona, Betisi ishte i interesuar për një huazim.

Tani, ata janë më të interesuar për një gjë të tillë, madje dhe me mundësi blerje – një marëveshje si kjo që mund të niste nga kjo verë.

Limiti kohor për këtë “kaos” të përfundojë do të jetë kjo e premte, kur do të mbyllet edhe zyrtarisht afati kalimtar dimëror në Brazil./GazetaExpress/