Ministri i Shëndetësisë, Armend Zemaj ka bërë të ditur se numri i të infektuarave me Covid-19 në 24 orët e fundit është 246, ndërsa që s’ka vdekur.

Ai ka thënë se gjatë 24 orëve janë kryer 3.031 teste që është numri më i lartë i testimeve.

Postimi i plotë:

Brenda 24 orëve, kemi rekord testime që nga fillimi i pandemisë, 3.031 teste dhe nga këto mostra vetëm 246 kanë rezultuar pozitiv me Covid 19, apo në përqindje vetëm 8.1%, ndërsa asnjë qytetar nuk ka humbur jetën në betejën me Covid 19.

Përgëzoj për punën e palodhshme Institutin Kombëtar të Shëndetësisë Publike në tërë Republikën e Kosovës!

Të dashur qytetarë, kjo situatë e kontrolluar epidemiologjike është arritur falë bashkëpunimit të të gjithëve.

Respektoni rekomandimet anti Covid.