Drita vazhdon të jetë lidere në tabelë edhe pas javës së 13-të në Superligën e Kosovës në futboll.

Skuadra nga Gjilani ka 30 pikë në pozitën e parë, katër më shumë se Ballkani që ka dy takime më pak të zhvilluara, raporton FrontOnline.

Prishtina renditet në pozitën e tretë me 21 pikë, pra rreth pesë pikë më pak se Ballkani.

Gjilani me barazimin (1:1) në Mitrovicë ka 19 pikë në vendin e katërt.

Diferencë e ngushtë e pikëve vazhdon të jetë në pjesën e poshtme të tabelës.

89-shi ka 11 pikë në pozitën e tetë, kurse Dukagjini me nëntë dhe Ferizaj me tetë pikë përmbyllin renditjen.