Stuhia Filomena ka mbuluar pjesë të Spanjës me borë të madhe, derisa gjysma e vendit është në alarm.

Madridi, një prej zonave më të prekura, pritet të mbulohet deri në 20cm borë në 24 orët e ardhshme.

Aeroporti i qytetit është mbyllur bashkë me një numër rrugësh.

Të premten mbrëma, një numër automjetesh u bllokuan në autostradë afër kryeqytetit.

Zjarrfikësit janë thirrur për të ndihmuar vozitësit që janë bllokuar. Në disa zona, ushtria po ashtu është thirrur për të ndihmuar në hapjen e rrugëve.

Autoritetet kanë bërë thirrje nga ana tjetër që njerëzit të shmangin udhëtimet e panevojshme.

Sipas mediave lokale, transmeton BBC, këto reshje bore në Madrid janë më të dendurat në të paktën 40 vjet.