Mbrëmë kryetari i Aleancës Kosova e Re (AKR), Behgjet Pacolli ka thënë se Vetëvendosje dhe LDK kanë afat 10 ditë që të merren vesh për të bashkëpunuar për formimin e institucioneve, përndryshe qëndrimi në koalicion i partisë së tij është i pakuptimtë.

Këtë paralajmërim të Pacollit, në Vetëvendosje nuk e shohin si ultimatum, por si hap kundër bllokadës së situatës në vend, shkruan Indeksonline.

Deputeti i Vetëvendosjes, Rexhep Selimi ka thënë se beson në partnerin me të cilin janë në koalicion, duke iu referuar kështu AKR-së.

“Behgjet Pacolli nuk ka dhënë ultimatum por po besoj që ka qenë reagim ndaj bllokimit që i ka bërë PAN-i formimit të institucioneve. AKR-ja është partner në Koalicionin LAA dhe mendoj se partneri e tyre të jetë funksional. Ne nuk e kemi kuptuar si ultimatum. Përkundrazi!”, ka thënë Selimi në një prononcim për Indeksonline.

Sipas tij, Lëvizja Vetëvendosje nuk e merr si ultimatum angazhimin e AKR-së kundër bllokadës së PAN-it.

Për paralajmërimin e Pacollit për largim nga koalicioni, mbrëmë ka reaguar edhe LDK-ja. Zyrtarë të saj kanë thënë se kjo LDK i merr qëndrimet vet dhe se askush nuk mund të jap ultimatume dhe mësime se si të veprohet.