Roma dhe United arrijnë marrëveshje për Chris Smalling

Chris Smalling është huazuar te Roma nga Manchester United për një edicion, por që Giallorosët nuk e kanë pasur mundësinë e blerjes.

Gjithsesi dy skuadrat janë në negociata që një kohë të gjatë, pasi lojtari dëshiron qëndrimin te Roma.

Anglezi ka shkëlqyer në Itali dhe Roma kërkon me ngulm transferimin e tij të përhershëm.

United kërkonte 20 milionë euro për ta lënë të lirë lojtarin, por tani dy klubet kanë arritur një marrëveshje për një shumë më të ulët.

Djajtë e Kuq janë pajtuar që të zbresin çmimin në 17 milionë euro dhe Roma ka pranuar këtë.

Giallorosët do ta paguajnë këtë shumë në tri vitet e ardhshme dhe kjo është marrëveshja që është arritur mes dy klubeve.

Ndërkohë tani drejtuesit e klubit kryeqytetas janë në bisedime me agjentin e lojtarit për kontratën e re.

Smalling pritet të nënshkruajë kontratë katër vjeçare me Romën, ku nga kjo pritet të fitojë katër milionë euro në sezon.