Pesë persona janë arrestuar në fshatin Stanishor të Novobërdës, dy prej tyre pjesëtarë të Policisë së Kosovës, pasi dyshohen se kanë rrëmbyer dy persona, të dy shtetasë të Maqedonisë së Veriut.

Përveç këtyre, dje është arrestuar edhe një grua lidhur me këtë rast, e cila pas intervistimin me vendim të prokurorit u dërgua në mbajtje.

Kështu ka njoftuar Policia e Kosovës përmes raportit 24-orësh.

“Novobërdë, 16.02.2021 – 22:00. Lidhur me rastin me 18.02.2021 është arrestuar edhe një e dyshuar femër kosovare dhe e njëjta pas intervistimit me vendim të prokurorit dërgohet në mbajtje”, thuhet në këtë raport.

Vëllai i viktimës, i cili është po ashtu shtetas i Maqedonisë së Veriut nga Kumanova ka ka raportuar policinë e Kosovës në Gjilan se një person I panjohur I kishte dërguar video ne telefon të dy viktimave se ata po i mbanin në një objekt e ku shiheshin të lidhur. Po ashtu ai tha se aty shihej edhe një femër.

“(Njëra nga ta Femër M.I. 1990 Prishtinë), ndërsa 2 prej tyre pjesëtar te Policisë së Kosovës, (V. K. (1978) dhe B.N.(1991) pjesëtar I policisë së Kosovës ), i dyshimte tjetër F. S. Me banim në Drenasi (1991), V. K. (.1989) . Me këtë rast si prova materiale janë gjete dhe konfiskuar nga ana e Policisë së Kosovës: dy (3) armë (revole) nga të cilat (2) revole zyrtare. Dy palë pranga të plastikës. Dy vetura pron e të dyshimtëve. Dhe prova të tjera materiale”, thuhet në komunikatën e 16 shkurtit të Policisë së Kosovës.

Viktimat janë dërguar për tretman mjekësor në Qendrën emergjente në Gjilan, ndërsa dy të dyshuarit të cilit janë pjesëtarë të Policisë së Kosovës janë suspenduar për 48 orë.