Kryetarit i Odes Ekonomike të Kosovës, Berat Rukiqi, tha se janë të pakënaqur me programin për rimëkëmbje ekonomike për vitin 2021, pasi sipas tij, shuma prej 6.5 milionë euro për të vetëpunësuari për bizneset e vogla, janë të pamjaftueshme, raporton Ekonomia Online.

“Mendova që është gabim teknik pasi është shuma e vogël”, tha Rukiqi me ironi.

“Edhe 3 milionë tjera janë paraparë për sektorin e gastronomisë. Kemi pritur që shuma që është në buxhet do të jetë për sektor privat e të cilat janë dedikuar për vaksina”.

“Me rritje të skemave sociale nuk mund të arrihet rimëkëmbja ekonomike. Duhet me ngjallë sektorin privat”, tha ai tutje.

Tutje, ai tha se do të kërkojmë nga Qeveria që te mos jetë vetëm kjo shumë.

Ai tha se i kanë mirëpritur lehtësimin e masave, mirëpo kufizimi i lëvizjes duhet të hiqet.

Sipas tij, tha se do të fokusohen te diplomacia ekonomike për të rritur eksportet e vendit dhe pjesa e burimeve të reja të financimit.

Mes tjerash ai tha se ndër problemet kryesore mbetet fuqia punëtore e pa shkathtë.