Përgatitjet për takimin midis Donald Trumpit dhe Kim Jong-unit përfshijnë biseda të fshehta dhe të drejtpërdrejta me Korenë e Veriut, thanë burime të paidentifikuara të administratës Trump, raporton BBC, transmeton Rel.

Samiti pritet të zhvillohet në maj. Kjo do të jetë hera e parë që një president i SHBA-së takon liderin e Koresë së Veriut.

Phenjani tashmë i ka thënë Koresë së Jugut se është i gatshëm të adresojë denuklearizimin, por kjo është hera e parë që i jepen garanci direkte Uashingtonit.
Lajmi për samitin SHBA-Kore e Veriut ka befasuar shumëkë, kur ka dalë në muajin mars. Ai ka pasuar një vit kërcënime dhe fyerje personale midis dy udhëheqësve.