Derbi i javës së 18-të në La Liga ndërmjet Sevillës dhe Atletico Madridit nuk ka dhënë fitues.

Në një ndeshje të bukur në “Ramon Sanchez Pizjuan” skuadrat ndanë pikët duke barazuar 1 me 1, transmeton Koha.net.

Të dy golat u shënuan në pjesën e parë të takimit, me vendasit që kaluan të parët në epërsi në minutën e 37 përmes Ben Yedderit.

Kurse shifrat i barazoi ylli francez Antoine Griezmann me një gol të bukur nga gjuajtja e lirë në minutën e fundit të pjesë së parë.

Në vendin e dytë tani Atletico ka 35 pikë, e me dy pikë më pak Sevilla zë vendin e tretë.