Xherdan Shaqiri është shprehur i lumtur që i ndihmoi Zvicrës me dy gola të mrekullueshme që ta mundë 3:1 Turqinë. Ai e cilësoi ndeshjen si jetike për shpresat e helvetikëve për të mbetur në Euro 2020, duke bërë shaka se nuk e dinte se kishte një këmbë të djathtë “vrastare”.

Sulmuesi shqiptar i shënoi dy gola dhe i krijoi dy mundësi të tjera për t’i ndihmuar Zvicrës ta arrijë fitoren e parë në këtë turne, e cila ia mban asaj gjallë shpresat për kualifikim në mesin e 16 më të mirëve.

Zvicra përfundoi në vendin e tretë me pikë të barabarta me Uellsin, por kjo e fundit u kualifikuar direkt falë goldallimit më të mirë. Prandaj, Zvicra shpreson se do të jetë njëra prej katër skuadrave nga gjashtë grupe që kualifikohen nga pozita e tretë.

Pas dy paraqitjeve të zbehta në barazimin me Uellsin në ndeshjen hapëse dhe në humbjen kundër Italisë, ishte koha e fundit që Shaqiri të dilte në skenë për Zvicrën.Reklamë

Ai e bëri këtë atëherë kur iu desh më së shumti zviceranëve, duke shënuar dhe krijuar për 75 minuta lojë në fushë.

Shaqiri shënoi gol spektakolar me këmbën e tij të dobët, të djathtë, nga rreth 20 metra lartësi, në minutën e 26-të, para se të realizonte për herë të dytë në këtë takim në minutën e 68-të.

Duke folur pas ndeshjes Shaqiri tha për golin me të djathtën: “Sot ishte ndryshme me këmbën e djathtë, ndryshe nga ato ditët kur mendoj se këmba ime e majtë është shumë më e mirë (qesh). Nuk e kisha menduar se këmba ime e djathtë do të ishte kaq e mirë.”

“Mendoj se luajtëm të bashkuar dhe ishte jetike sot kundër këtij ekipi. Ne e dinim se nëse do të luanim mirë do të krijonim shumë mundësi shënimi kundër këtij ekipi dhe këtë e bëmë. Ne jemi të lumtur me fitoren sot. Ne kemi mundur të shënonim më shumë gola, sigurisht, por në fund të fundit, më e rëndësishme ishte ta fitonim ndeshjen dhe ne e bëmë këtë”, shtoi ai.

Ky është evropiani i dytë radhazi që ylli i Liverpoolit shënon gol, ndërsa turneu i katërt i madh që shënon gol radhazi, pas Botërorit 2014, Euro 2016 dhe Botërorit 2018.

Falë këtyre dy golave, 29-vjeçari nga Gjilani e barazoi rekordin e Hakan Yakinit si dy lojtarët me më së shumti golave të shënuara për kombëtaren e Zvicrës në historinë e Kampionatit Evropian.

Shaqiri u shpallë lojtari më i mirë i ndeshjes Zvicër – Turqi të dielën në Baku.