Një bombol gazi ka shpërthyer në një fshat të Maliqit mëngjesin e ditës së sotme.

Burime për A2 CNN bëjnë me dije se shpërthimi ka shkaktuar plagosjen e 4 personave, mes të cilëve edhe një fëmijë 8-vjeçar.

Të plagosurit e tjerë janë nga mosha 26-32 vjeçare, të cilët ndodhen në spitalin rajonal të Korçës për mjekim të specializuar. Po ashtu bëhet me dije se nga shpërthimi të dëmtuarit kanë marrë djegie në pjesën e fytyrës.

Lexo edhe:
Kthimet e detyruara nga vendet europiane, shqiptarët me shifra rekord, të dytët pas gjeorgjianëve për vitin 2024
Erion Veliaj reagon sërish nga paraburgimi: Goditja qorre e prokurorit kundër meje dhe familjes time është kryekëput “vrasje me pagesë”
Presidenti i Emirateve të Bashkuara nesër vizitë në Tiranë
Jetnor Mucollari, kryefamiljari i kësaj banese tregon se gjithçka ka ndodhur në momentin e ndërrimit të kokës së bombolës.

Nisur nga ngjarje të tilla që nuk kanë qenë të pakta, policia e Korçës u ka kërkuar qytetarëve që kanë zgjedhur të ngrohen me gaz, të bëjnë kujdes në përdorimin e bombolave të gazit.