Është koha për të bërë lëvizje pragmatike politike drejt zgjidhjes së problemeve të jetës së qytetarëve shqiptarë, si dhe mundësi të reja për krijimin e një kornize të një komunikimi dukshëm intensiv, nëse qeveria e re është e gatshme, duke krijuar një qasje të ndryshme për pakicat kombëtare në Serbi, me theks të veçantë të komunitetit shqiptarë që jeton në Bujanoc, Preshevë dhe Medvegjë.

Kështu thotë për gazetën Danas, kryetari i Këshillit Kombëtar të Shqiptarëve (NSA), Ragmi Mustafa, duke komentuar për mundësinë që shqiptarët e jugut të Serbisë të marrin një karrige ministrore pas gati tre dekadash në përbërjen e re të Qeverisë së Serbisë, transmeton Telegrafi.

“Të gjitha qeveritë e reja në rajon u kanë dhënë mundësi përfaqësuesve të pakicave kombëtare të marrin përgjegjësi ligjore sipas të drejtave individuale dhe kolektive të atyre pakicave kombëtare. Unë jam i mendimit se kjo është mënyra më e mirë për të përmbushur detyrimet e përcaktuara nga Bashkimi Evropian dhe aftësia për t’u përshtatur me vlerat evropiane si shoqëri”, thotë Mustafa.

Ai kujton se të tre deputetët e listës Alternativa Demokratike e Shqiptarëve të Luginës së Bashkuar në mënyrë të qartë “e kanë bërë të ditur në bisedimet e para me presidentin Aleksander Vuçiq”.

“Në këtë mënyrë po kërkohet të hapet një dialog për zbatimin e “planit të shtatë pikave” të miratuar nga Qeveria e Republikës së Serbisë në vitin 2013, e cila është një platformë për marrjen e masave urgjente për të përmirësuar kushtet dhe pozicionin e komunitetit shqiptar në Luginën e Preshevës, realizimin e të drejtave kolektive dhe integrimin e mëtutjeshëm në institucionet e sistemit – policia, gjyqësori dhe arsimi”, pohoi Kamberi.

Deputeti i Partisë për Veprim Demokratik (PDD), Shaip Kamberi, emri i të cilit është i lidhur me kandidaturën e mundshme për Ministrin e Vetëqeverisjes Lokale, nuk u përgjigj në telefonatat e gazetës.

Kryetari aktual i Komunës së Bujanocit, Nagip Arifi nga Partia Demokratike (PD), gjithashtu ishte i paçasshëm për një deklaratë gjersa dje vizitoi kryetarin e Komunës së Gjilanit, Lutfi Hazirin.