Tifozët e Shkëndijës së Tetovës, “Ballistët”, e kanë shpalosur një koreografi mbresëlënëse dhe madhështore në ndeshjen e djeshme të Ligës së Evropës, që e luajtën ndaj FC Dacias, të cilën skuadra tetovare e mposhti me rezultat të thellë, 3-0.

Tifozët tetovarë i kanë përfshirë në koreografinë e tyre shtatë skuadrat shqiptare, që do të marrin pjesë në garat evropiane këtë edicion, duke ia bërë me dije Evropës se shqiptarët po vijnë.