Trajneri i Manchester Unitedit, Ole Gunnar Solskjaer, dhe ai i Tottenhamit, Jose Mourinho, janë futur në një luftë fjalësh pas ndeshjes mes skuadrave të tyre në Premierligë të dielën.

Unitedi e fitoi ndeshjen 3:1 ndaj skuadrës së ish-trajnerit të vet, por jo para se VAR-i t’ia shfuqizonte një gol të Edinson Cavanit për një ndërhyrjeje të palejuar të Scott McTominay ndaj Son Heung-min.

Ishte një vendim që shkaktoi polemika të mëdha, pasi shumica e analistëve të futbollit nuk arritën ta besonin që goli u anulua.

Pas ndeshjes, Solskjaer e foli për atë vendin duke thënë për Sky Sports: “Ky nuk është më futboll. Ky nuk është më futboll”.

“Ishte gabim i qartë. Goli ishte plotësisht i rregullt. Nuk duhet të mashtrohemi. Më duhet të them se, nëse biri im qëndron i shtrirë në tokë për tre minuta dhe i nevojiten 10 shokë për ta ndihmuar të ngrihet në këmbë, do ta lija pa bukë”, shtoi ai.

“Neve nuk na e hodhi, ia hodhi gjyqtarit”, nënvizoi ai.

Si u përgjigj Mourinho?

Mourinho tha se kishte biseduar me Solskjaer dhe se Son është më fat që norvegjezi nuk është babai i tij.

“Së pari më lejoni t’ju them diçka. Jam i habitur me komentet e Ole për Sonin”, tha Mourinho.

“Son është shumë më fat që babai i tij është person më i mirë se Ole. Unë jam baba edhe vetë dhe si baba duhet t’i ushqesh fëmijët tuaj, pavarësisht se çfarë bëjnë ata. Nëse duhet të plaçkitesh ushqim për ta, plaçkit. Jam shumë, shumë i zhgënjyer”, shtoi ai.