Sot, e diel, 28 tetor, akrepat e orës janë kthyer nga ora 3 në orën 2.

Me këtë llogaritje do të vazhdojë edhe këtë vit matja e kohës deri në fundjavën e fundit të marsit të vitit 2019, kur kthehet ora verore, transmeton TV Arta.

Ndryshimi i kohës në Evropën Perëndimore ishte vendosur në fillim të vitit 1970 pas shqyrtimit se kështu shtyhej dita, mundësohej kursimi i konsumit të energjisë elektrike, rritej produktiviteti, përmirësohej përshtatja e njerëzve dhe dita e punës bëhej më efikase.

Komisioni Evropian, më 12 shtator kishte marrë vendim që kthimi në llogaritjen verore për herë të fundit të bëhet më 31 mars 2019, ndërsa shfuqizohet në tetor të 2019. Vendet anëtare të BE-së e kanë për detyrë ta zbatojnë këtë vendim.

Kalimi nga koha e verës në të dimrit për herë të parë u shënua në vitin 1916 në vendet e Evropës Veriore, ndërsa deri tani është vendosur në rreth 70 shtete, kryesisht në hemisferën veriore.