Sulmi që Mihal Kokëdhima pronari i restorantit “Panorma” u bëri turistëve spanjollë bëri të mundur që organet shtetërore të bënin kontrolle mbi restorantin ku rezultoi që restoranti ishte ndërtim pa leje dhe se Milhal Kokëdhima nuk i paguante taksat.

Kjo ka bërë që sot të merret vendimi për prishjen e restorantit i cili ndodhet në plazhin e Porto Palermos në Himarë. Aktualisht ka rreth 100 forca policore dhe të IKMT-së tek restoranti si dhe një vinç që do të shembë restorantin e Kokëdhimës.

Pritet largimi i orendive nga restoranti dhe hoteli qe ti filloj prishja e godines. Ndërkohë është shembur tabela kryesore me emrin e restorantit, raporton Tch, transmeton Klan Kosova.

Kujtojmë që Mihal Kokëdhima ka marrë masën arrest me burg. Ai ndoqi dhe sulmoi turistët spanjollë pasi ata nuk qëndruan për drekë tek restoranti i tij nga pakënaqësia me shërbimin.