Sulmuesi gjerman i Fenerbahces, Max Kruse ka thurë elozhe për bashkëlojtarin e tij, yllin e Përfaqësueses së Kosovës, Vedat Muriqi.

Muriqi ka filluar me shkëlqim sezonin te Fenerbahce, duke shënuar dy gola në tri ndeshjet e para në Superligën e Turqisë.

Sulmuesi prizrenas këtë super-formë e ka vazhduar edhe te Kosova, ku ka shënuar në fitoren 2-1 ndaj Çekisë dhe ka asistuar dy herë dhe ka shënuar një gol ndaj Anglisë.

Forma e mirë me gola dhe asistime ka bërë që Muriqi të lidhet me shumë klube të mëdha evropiane si Manchester Unitedi, Tottenham Hotspur, Atletico Madridi dhe Lazio

Për yllin e Kosovës ka folur edhe bashkëlojtari i tij në sulm Kruse, i cili ka thurë elozhe për Muriqin.

Sipas tij, Vedati është lojtar i nivelit të gjigantit gjerman, Bayern Munich dhe nuk do të befasohej nëse Bavarezët do bënin ofertë për të.

 “Vedati është lojtar i nivelit të Bayernit”.

“Nuk do të befasohesha nëse do të vjen ndonjë ofertë prej bavarezëve”, ka thënë Kruse.