Presidenti i vendit Hashim Thaçi ka lavdëruar punën e Agjencisë së Kosovës për Inteligjencë, në dhjetë vjetorin e fillimit të punës së saj.
Në llogarinë e tij në facebook, ai ka thënë se kjo agjenci, brenda një kohe shumë të shkurtër me profesionalizëm të lartë u bë një nga kontribuesit më të mëdhenj të paqes në vend dhe rajon.
”Para 10 vjetëve filloi punën një prej institucioneve më të rëndësishme për sigurinë e vendit tonë, Agjencia e Kosovës për Inteligjencë. Me hapa të jashtëzakonshëm dhe me profesionalizëm të lartë, AKI-ja brenda një periudhe shumë të shkurtër u bë një prej kontribuuesve më të mëdhenj të paqes dhe sigurisë në Kosovë e rajon.
Agjencinë e Kosovës për Inteligjencë e inkurajoj që të vazhdojë me përmbushjen e misionit të saj në shërbim të parandalimit të çdo kërcënimi ndaj sigurisë së vendit tonë. Ne ndjehemi krenarë, ashtu sikurse edhe ju, për punën tuaj në shërbim të atdheut! HTH”