Ndeshja Tirana-Crvena Zvezda nuk është si të tjerat. Jo vetëm që është një sfidë “e thatë” në Champions, por dhe për rivalitetin ekstra-sportiv që rrethon këtë përballje. Kjo e dyta nuk i takon profesionistëve. Konfirmimi për këtë vjen nga Dejan Stankovic, trajneri I formacionit serb, i cili do të flasë vetëm për futboll.

“Unë kam ardhur të luaj futboll dhe asgjë tjetër, gjërat e tjera nuk më interesojnë. Në qoftë se unë do ta mendoj që bota do të ndalojë po ta humbas këtë ndeshjen, atëherë do ta quaja të humbur. Por futboll është luajtur edhe para kësaj ndeshje dhe do të vazhdojë të luhet. Më vjen keq për të gjithë që nuk kemi tifozë. Janë pjesë e madhe e futbollit. Shpresoj që sa më shpejt t’i rikthemi normalitetit”, ka thënë trajneri serb.

Stankovic vlerëson kampionët e Shqipërisë, por nuk e fsheh optimizmin se skuadra e tij do të dijë të dalë nga fusha bashkë me kualfikimin.

“Ne kemi një ekip që përshtatet shpejt. Duhet të kemi durim dhe të kërkojmë fitoren. Fakti që është një ndeshje ka ndikim. Mendoj që di mjaftueshëm për Tiranën. Është ekip i ri i organizuar. Një kundërshtar i denjë”, ka vijuar Stankovic.

Crvena Zvezda vjen në sfidën kundër Tiranës me shumë mungesa. Sipas Stankovic kjo ka qenë një zgjedhje teknike, por nuk ndikon në objektivin e skuadrës së tij për të vazhduar rrugën në Champions League. Kampionët e Serbisë zhvilluan mbrëmjen e së hënës edhe seancën e fundit stërvitore në stadiumin “Air Albania”, ku prania e mediave u lejua vetëm në 15 minutat e para.

Ndeshja- Ne kemi një ekip që adapton shpejt. Duhet të kemi durim dhe të kërkojmë fitoren. Unë kam ardhur të luaj futboll dhe asgjë tjetër, gjërat e tjera nuk më interesojnë.

Në qoftë se unë do ta mendoj që bota do të ndalojë po ta humbas këtë ndeshjen, atëherë do ta quaja të humbur. Por futboll është luajtur edhe para kësaj ndeshje dhe do të vazhdojë të luhet. Më vjen keq për të gjithë që nuk kemi tifozë. Janë pjesë e madhe e futbollit. Shpresoj që sa më shpejt t’i rikthemi normalitetit.

Fakti që është një ndeshje ka ndikim. Ne kemi studiuar kundërshtarin, përgatitemi emocionalisht. Shpresoj që jemi përgatitur në momentin e duhur.

Është fakt që do të luajmë me Tiranën, nuk kam hapësira që të zgjedh. Mendoj që di mjaftueshëm për Tiranën. Është ekip i ri i organizuar. Kundërshtar i denjë shumë i mirë.

Tirana si Inter i 2010? Me sa kuptova unë këtu, trajneri i Tiranës mori rolin e favoritit. Në qoftë se e thoni ju këtë unë jam dakord.

Mungesat e Crvenës – Një pjesë e ekipit ka ngelur në shtëpi për t’u punuar dhe stërvitur. Loja do tregojë aftësinë e lojtarëve. Thjesht përzgjedhja është e tillë.

Tifozët e Interit në Shqipëri- Me aq mundësi sa pata që dola nëpër rrugët e Tiranës, mora vesh që kishte shumë tifozë të Interit që donin të më flisnin dhe të bënin foto. Unë për momentin mendoj vetëm për Crvena Zvezdën. Kontes i uroj fat.

Atmosfera dhe informacionet për Shqipërinë- Nuk kam ndjerë asnjë presion në Shqipëri. Ne jemi përgatitur për çdo lloj skenari në fushën e lojës. Nuk e njoh shumë futbollin shqiptar. Di që trajner i Kombëtares ka qenë Panucci dhe De Biazi, njoh dhe disa lojtarë shqiptarë që luajnë në Europë, vetë kaq”, u shpreh Stankoviç.