Presidenti amerikan, Donald Trump, urdhëroi një hetim sigurie kombëtar për importet e makinave, diçka që mund të rezultojë me tarifa të reja.

Trump tha se industria amerikane e makinave ishte kritike për forcën e kombit, prandaj urdhëroi Departamentin e Tregtisë që të nisë hetimin.

Ky i fundit bazohet në një ligj të viteve ‘60 që thotë se Presidenti mund të kufizojë importet nëse ato kërcënojnë sigurinë kombëtare.

Kjo është lëvizja më e fundit në axhendën “Amerika e Para” të Presidentit Trump.

Në një mesazh në Twitter, Trump bëri me dije se së shpejti do të ketë lejme të mira për punonjësit e industrisë automobilistike në SHBA.

Departamenti i Tregtisë do të hetojë efektin e importeve të makinave në vend dhe sekretari Wilbur Ross premtoi një hetim gjithëpërfshirës, të ndershëm dhe transparent.