Presidenti i SHBA-së, Donald Trump, vazhdon të insistojë se koronavirusi do të zhduket një ditë. Këto deklarata ai i ka dhënë ndonëse po rritet numri i rasteve në disa shtete si Kaliforni, Teksas, Arizona e Florida.

Trump ka thënë se një ditë parashikimi i tij do të dalë.

“Do të kem të drejtë një ditë. Do të kem të drejtë. Unë kam thënë, ‘Do të zhduket’. Do ta them sërish. Do të zhduket dhe do të kem të drejtë”, ka thënë Trump në intervistë për “Fox News Sunday”.

COVID-19 ka shkaktuar mbi 140 mijë vdekje në SHBA në pesë muajt e fundit. Trump është duke u kritikuar vazhdimisht për mënyrën se si e ka menaxhuar pandeminë.