Ish-kandidati për deputet nga Partia Demokratike e Shqipërisë, Arben Tafaj, ka humbur jetën tragjikisht mbrëmë pasi ka rënë aksidentalisht nga një lartësi prej 10 metrash.

Siç bëhet e ditur nga policia, 63-vjeçari dyshohet se ka qenë në gjendje të dehur në momentin e rënies.

Nga plagët e marra, Tafaj nuk ka mundur të mbijetojë dhe ka ndërruar jetë në spital, raporton Top Channel.

Policia njoftoi se ngjarja ka ndodhur në banesën e tij.

“Si pasojë e dëmtimeve të marra ky shtetas ka ndërruar jetë në spital”, thuhet mes tjerash në njoftimin e policisë.