Një familje nga Mitrovica ka pranuar një unazë nga Kryqi i Kuq e Kosovës, unazë që ishte ruajtur nga viti 1944.

Kryqi i Kuq i Kosovës ka njoftuar se unaza i ka takuar një të burgosuri në kampin e përqendrimit Neuengamme dhe i është dorëzuar nipit të tij në Mitrovicë.

“Arkivat Arolsen (Ish Shërbimi Ndërkombëtar i Kërkimit) në Gjermani, mban gjëra personale që janë marrë nga të burgosurit në kampet e përqendrimit. Në përgjithësi këto gjëra personale kanë vlerë të madhe për familjarët e tyre”, thuhet në njoftim të Kryqit të Kuq.