Forca e Sigurisë së Kosovës ka bërë të ditur se nën Komandën e Doktrinës dhe Stërvitjes në Ferizaj ka përfunduar “Kursi i Lartë për Nënoficer” dhe “Kursi i Avancuar për Snajper”.

Sipas njoftimit, Kursi i Lartë për Nënoficer u realizua nga Shkolla e Nënoficerëve në KDS, e cila sipas tyre, realizon shkollimin dhe përgatitjen akademike të nënoficerëve.

“’Kursi i Avancuar për Snajper’ u realizua nga ekipet trajnuese mobile të ushtrisë britanike”, thuhet në njoftimin e FSK-së, transmeton Klankosova.tv.

Më tej, në njoftim thuhet se FSK-ja po vazhdon të ngritë aftësitë luftarake në të gjitha fushat ushtarake.