Vatikani ka dekretuar që kisha katolike nuk mund të bekojë bashkime të të njëjtës gjini pasi Zoti “nuk mund të bekojë mëkatin”.

Zyra e ortodoksisë së Vatikanit, Kongregacioni për Doktrinën e Besimit, lëshoi një përgjigje zyrtare të hënën në një pyetje nëse kleri katolik mund të bekojë homoseksualët, raporton Guardian.

Përgjigja, e përfshirë në një shpjegim dy-faqesh të botuar në shtatë gjuhë dhe të miratuar nga Papa Françesku, ishte negative.

Dekreti dallonte midis mirëseardhjes dhe bekimit të kishës për njerëzit homoseksualë, të cilën ajo mbështeti, por jo bashkimin e tyre.

Vatikani mendon se homoseksualët duhet të trajtohen me dinjitet dhe respekt, por që seksi homoseksual është “i çrregulluar nga brenda”. Mësimet katolike thonë se martesa midis një burri dhe një gruaje është pjesë e planit të Zotit dhe synon për hir të krijimit të një jete të re.

Meqenëse bashkimi i homoseksualëve nuk kanë për qëllim të jenë pjesë e këtij plani, ato nuk mund të bekohen nga kisha, thuhet në dokument.