Policia e Kosovës (PK), në një komunikatë për medie ka treguar për rezultatet pozitive në uljen e krimit, veprave penale grabitjet dhe vjedhjet

” bazuar në realizimin e objektivave strategjike dhe planin e veprimit, në ruajtjen e rendit dhe sigurisë publike, si dhe parandalimin e aktiviteteve të ndryshme kriminale, ka arritur rezultate pozitive në uljen e trendit të krimit, përfshirë uljen e veprave penale si Grabitjet, Vjedhjet dhe Vjedhet e Rënda” thuhet mes tjerash në këtë komunikatë

Sipas të dhënave veprat penale, për këtë periudhë kohore kanë shënuar rënie për -6.15% (nga 24631 në 2019, në 23114 në 2020).
Po ashtu edhe rastet ( veprat penale plus incidentet tjera) të inicuara nga policia, kanë shënuar rënie për -6.31%.
Policia e Kosovës, në zbatim të detyrave të saja, në realizim të Planit të Punës, gjatë kësaj periudhe ka arrestuar 9715 të dyshuar, ose 12.71% më shumë se në të njëjtën periudhë të vitit të kaluar.

Po ashtu, numri i personave që janë dërguar në mbajtje është 3870, ose 9.87% më i lartë se në periudhën e njëjtë të vitit të kaluar.
Veprat penale (ato më kryesoret), kundër pasurisë, kanë shënuar një ulje të ndjeshme, kështu:
-Numri i vjedhjeve ka shënuar ulje, nga 4131 në 3492 ose -15.46%;
-Numri i vjedhjeve të rënda ka shënuar ulje, nga 3421 në 3030 ose -11.42 %.
-Numri i rasteve grabitje ka shënuar ulje nga 147 në 127 ose -13.60%.

Mes tjerash Policia e Kosovës edhe përkundër uljes së trendit të krimit, ka thënë që vazhdon të mbetet e përkushtuar në zbardhjen e ç’do rasti, në identifikimin e ç’do personi të dyshuar, me qëllim për të zbatuar synimet e saja, dhe për të ofruar një siguri dhe një ambient të qetë për të gjithë. thuhet në Komunikatë