Shoqata Profesionale e Informaticientëve të Kosovës (ShPIK) e ka publikuar të enjten raportin me gjetjet e studimit të qasshmërisë së uebfaqeve të institucioneve publike, raporton Ekonomia Online. Nga gjithsej 66 ueb faqet e institucioneve publike që janë testuar, shumica dërrmuese e tyre nuk i plotësojnë kriteret ndërkombëtare të qasshmërisë. Ndërkaq vetëm shtatë institucione i plotësojnë këto kritere.

Ky raport për herë të parë e bën vlerësimin e faqeve të internetit të institucioneve publike lidhur me përmbushjen e standardeve ndërkombëtare. Aty u tha se përmbushja e këtyre standardeve është esenciale për personat me aftësi të kufizuara, e në veçanti të personave të verbër.

Gjithashtu, aty u prezantua edhe ranglista e gjatë të institucioneve publike të cilat nuk i përmbushin këto standarde. Ndër institucionet e pakta që i plotësojnë standardet e qasshmërisë janë; MPB-ja, ATK-ja, KRU “Prishtina”, ShPIK, E-Kosova dhe MZhR-ja.

Ndërkaq ndër institucionet që janë të pa qasshme për personat me aftësi të kufizuar, ku gjithsej janë 39 uebfaqe.

ZKA-ja, BQK-ja, Dogana e Kosovës, Gjykata Kushtetuese, mediumi publik, MAShTI, ShSKUK-ja, Gazeta Zyrtare e Kosovës, ishin disa nga 39 uebfaqet që janë të paqasshme për këtë kategori.

Kryetari i Shoqatës së të Verbërve të Kosovës, Daut Tishuki, kujtoi konventën e OKB-së, e cila i obligon shtetet që t’u krijojë qasje të lehtë personave me aftësi të kufizuar.

“Unë sot në ditën globale të qasjes kisha me filluar kur edhe OKB në vitin 2006 në konventën për të drejtat e njeriut, e cek dhe i obligon shtetet që të krijojnë qasje për persona me aftësi të kufizuar. Në Kosovë qasja e personave të verbër ka shumë barriera, por falë institucioneve që e kanë shpallë vit të personave me aftësi të kufizuar, dhe në këtë fillimit janë ndarë mjete të mjaftueshme për qasje më të mirë”, tha Tishukaj.

“Deri tash të verbëritë janë gjendur në ndihmë të tjerëve por është hap i qëlluar që e ka bërë SHPIK dhe këto platforma të shfrytëzohen edhe nga të verbëritë”.

Bekim Krasniqi, menaxher i programeve në Shoqatën e të Verbërve të Kosovës, tha se sfidat që hasin në përdtishmëri janë të shumta, pasi që në gjuhën shqipe mungon sinteza vokale.

“Sfidat që personat e verbër i kanë, janë të mëdha sepse deri më tani nuk kanë mundur t’i përdorin në gjuhën amtare sepse mungesa e sintezës vokale në gjuhën shqipe, i ka detyruar personat e verbër që të mësojnë në gjuhë të huaj”, tha ai.

Musë Shigjeqi nga institucioni i Avokatit të Popullit, premtoi më shumë qasje për personat me aftësi të kufizuar. Ai tha se janë duke i hulumtuar komunat nëse po u ofrojnë qasje këtyre personave, raporton EO.

“Avokati i Popullit vlerëson se aktualisht institucionet e Kosovës nuk kanë bërë mjaftueshëm për personat me aftësi të kufizuar. Në vazhdimësi bëjmë apel dhe rekomandojmë që të krijohen kishte për personat me aftësi të kufizuar. Ne kemi bërë një hulumtim nëpër komunat në vend, për qasje në objektet komunale”, tha ai.

Në fund, u ndanë është mirënjohje për institucionet që po u ofrojnë qasje më të lehtë persomave me aftësi të kufizuar.