Qeveria e Kosovës në mbledhjen e mbajtur sot ka ndarë 1.6 milion euro për pagat e veteranëve për muajin shtator.

Ministri i Punës Arban Abrashi tha se për ta kryer pagesën e pensioneve për muajin shtator nevojiten mjete shtesë prej 1.6 milion euro nga rezervat shtetërore.

“Kjo ka të bëjë për ndarjen e mjeteve vetëm për muajin shtator”, tha Abrashi.

Kryeministri Isa Mustafa tha se kanë bërë përpjekje që të sigurojnë këtë pagesë.

“Por kemi marrë zotimin me FMN që të gjejmë një zgjidhje që të jetë e përballueshme për ne. Ta zgjidhim këtë problem që mund të na qet nga FMN-ja dhe na rrezikon të gjitha projektet. Do të mundohemi të gjejmë zgjidhje që na nxjerr nga kjo situatë. Më vone duhet të shikohen listat. Asnjëri nga ata që janë meritorë nuk do të dëmtohet. Duhet të krijojmë kushte që këto mjete t’i marrin ata që meritojnë dhe janë veteranë të vërtetë”, tha Mustafa.